ثانوية عامة

باقي على ظهور نتيجه الثانوية العامه ساعات قليله فادعولي أعدي من هذه المحنة على خير أنا وصديقاتي وكل من في الثانوية العامة
وهذا ما أفاضت به مشاعري من خوف ورعب وتعبير صادق عن حالة كل من مثلي وصدقوني اني أرتجف وأنا أكتب
فاذا لم يعجبكم الموضوع فسامحوني لأني مش في حالتي الطبيعية خااااااااااااااالص

ثانوية عامة والنتيجة هتبان
دمي نشف ووشي أصفر بهتان
خايفة لا يغدر بية الزمان
وأرجع أقول ياريت اللي جرى ماكان
ثانوية عامة والنتيجة هتبان


الناس عالسايبرات زي الدبان
من الانتظار خلاص حيجلهم جنان
ولاحد عايز ينام ولا جعان
واقفين ساعات والكل زهقان
ثانوية عامة والنتيجة هتبان


يارب نجحنا يارب الأكوان
من زماااااااان والكل عالكتاب سهران
وبالنتيجة يكرم المرء أو يهان
فأكرمنا يارب وعدينا لبر الأمان
ثانوية عامة والنتيجة هتبان


دعوة بريئة من قلب انسان
بيصلي ويدعي ساعة أذان
وفقنا يارب ده احنا شعب غلبان
فأنت الكرم والعطف والحنان
ثانوية عامة والنتيجة هتبان

أهداء جديد لإنسان عني بعيد

واحشني يأجمل انسان
واليوم في بعدك سنة
انت عند الرحمن
وسايب ذكراك هنا
مفيش زيك في الزمان
حزينة لفراقك أنا


واحشني كتير يا جدو
وحشتني كتير ضحكتك
الأيام مش بيعدوا
من غير جمال طلتك
لينا مين من بعده
دخله يارب جنتك


كان بجد طيب
كان كريم وأمير
كان من الكل قريب
كان بيعمل كل خير
كان للجروح بيطيب
كان بيساعد الغير


كان بيحبني ويدلعني
ومن بعده مين حيحبني
أه لو الزمن يرجعني
وياخدني في حضنه ويضمني
ساعتها مفيش جراح توجعني
ولا أي حاجة تهمني


كان بيصلي وعارف دينه
كان قاري القران وصايم
بالرحمه والغفران بدعيله
ويكون في الجنة نايم
كان صابر وراضي بقليله
كان دايما قايم ليله
بس الكل رايح فين
وانت بس يارب الدايم

في الفجرية

وأنا سهرانة امبارح
ساعة الفجرية
لقيت القمر سارح
مع نجمة فضية
ونسيم الهوا مراوح
كانت ليله رومانسية
بدأ الصباح يشقشق
بينادي الشمس الذهبية
والعصافير بدأت تزقزق
وروايح الورد ذكية
راح القمر اتلقلق
والنجمة راحت مستخبية
علشان طلعت الشمس
بقى السحاب معديه
ينقلهم بدون لمس
لغاية الليلة الجاية
وقلت لنفسي بهمس
الحياة جميلة سوية
وفي وسط البحر في مركبته
غنى الصياد أغنية
غنى من قلبه لحبيبته
بحبك يا نور عينيه
وغنى ونادى على سمكته
سمعت صوته راحت جايه
والفلاح في حقله
شغال مالصبحية
فقيؤ بس غني بعقله
ونفسه سمحة رضية
بياكل لقمته بعرقه
وأهي دي اللقمة الهنية
هكذا خلق الله الحياه
منتظمة سائرة بنظام
ليه نغير خلق الاله
اصحوا أيها النيام

لماذا يملأني الحزن والشجن
لم يطرق بابي حتى الوسن
جلست في شرفتي هائمة
أشكو حالي الى القمر
عيني في دموعها عائمة
وفجأة انهمر المطر
تبكي السحب على حالي
وبالدم الغزير عيني تذرف
والفنن ماله لا يبالي
وينزع مني فؤادي ويخطف
وأنا قد شفني الأرق
والغصن مازال يهفو
وحالعهن مثل حالي الورق
لا تغمض أعينهن ولا تغفو
ثم توقف المطر واحتبس
والورق والقمر والكل رحل عني
إلا الحزن فما مني يأس
وبات معي الليل يؤانسني
أخذت أعد قطرات الطل
وظلمة الليل عاكفة
وسألت نفسي ترى ما الحل ؟
ولكن......مما أنا خائفة
سمعت المؤذن يكبر
فذهبت وتوضأت للصلاة
فلم أعد حينها أفكر
الا فيما يرضي الله
وأتى الشعاع الذهبي
ضوء الشمس المنير
وهدأ واطمأن قلبي
مع نغم ولحن العصافير
وشكرت رب الكون
على مرور الليلة المظلمة
التي مرت كالسنون
ليست مجرد ساعات مؤلمة

حوار بين ظالم و مظلوم

اه منك يا دنيا وألف اه
كلك متاعب ومظالم
الإنسان غروره ملاه
وخلى غيره هو الظالم
بس انت شاهد يالله
انت بحال الكل عالم
والظالم هد يارب قواه
والمظلوم قنوع مش حالم
برحمتك أزح عن قلبه الأه
وأغمره يارب بحنانك الدايم
قست كتيييير عليه دنياه
وعاش حياته عن الظلم صايم
لاجئلك وماددلك يداه
نفسه يدخل الجنة سالم
مطلبش عمره لا مال ولا جاه
وعلى طاعتك يارب قايم نايم
وداس عليه الظالم بهواه
وساقه كأنه سايق بهايم
جه المظلوم يعاتبه بدموع
الظالم قاله انت اللي ظالمني
ده انا قايدلك صوابعي شموع
قاله أوعى تكون فاكر انك هاممني
طعنه بخنجره التلم بين الضلوع
قاله المظلوم انت عمرك ماكنت حاببني
بس أنا عايشتك في قصور وقلاع
وأنا مش عايز غير تبعد وتسيبني
وانت يا ظالم طعامك بين ايديك وحتجوع
وأنا بلقمة حكون سعيد وبكرة تفتكرني
ويظل بين الخير والشر صراع
عمره في الدنيا ما حينتهي
إلى قيام الساعة تبقى الأوجاع
وسنة الحياة عكس ما أنت تشتهي

شكر وتقدير

شكر خاص للمسدس الصغير

إهداء إلى روح جدو حبيبي

أطيب قلب في الزمان

ذهب عند الرحمن

أدخله يارب الجنان

وعوضنا عنه الحنان

ذهب حبيبي الغالي

ذهب وترك خالي

من فراقه يعاني

يا حرقة قلبي ياني

ومن بعده جدتي

طلبت خدمتي

أنا و والدتي

ووهبتها محبتي

وأمي ليل نهار تبكي

لمن تذهب و تشكي

لمن عنا ستحكي

هل من فراقه اتجرحتي

وأنا من بعده مقهورة

طلبت منهم ليه صورة

أكبرها لأنها صغيورة

وتحمل مثلها في الجنة عصفورة

حتى الناس الغرب

يدعون ويقولون يارب

إجعله ممن تحب

فهو أطيب قلب

هل يعيش أحد بلا روح

أنا لمن إذا سأبوح

إن البكاء مسموح

ولكن دموعي بتروح

سأحزن عليه عمري كله

يارب في الجنة نقابله

يارب صبر أهله

وكل من يحبه

ترى أين راح

وأخذ معه الطيبة والسماح

وترك في الفؤاد الجراح

ـــــــــــــــــــــــــــــــــــــــــــــــــــــــــــ

كتبه القلب المجروح

بفراق حبيب الروح

أرجو من كل من يقرأ هذا يقرأ له الفاتحه ويدعو له بالرحمة والمغفرة

مذكرات تائهة في الحياة

أغمض الخلق الجفون

وجميع الناس نيام

ولكن هناك عيون

لا تعرف كيف تنام

فهناك من أيقظه الحب

واللهفة الى الحبيب

وسهر يواسي العين القلب

والشوق يحرقهم باللهيب

وهناك من يعاني

من المرض والألم

لا يتركه يغفو ثواني

ولا يبعد عنه السقم

أما أنا فما شكواي

وعلى من ألوم

ولما لا تغمض عيناي

ولا أستطيع النوم

ومن يعلم السبب

اذ كنت انا لا أعلمه

ياللدهشة وياللعجب

وما بيدي ما أفعله

فالمريض سيأخذ الدوا

بأمر من طبيبه

والمكوي بنار الهوى

فعلاجه في يد حبيبه

أما أنا فما علاجي

وأنا لا أعرف العلة

فمن أستطع أن أناجي

والمستمعون أصبحوا قلة

فما أحد لي سواك

يا إلهي يا الله

فروحي وقلبي بين يداك

برحمتك , أزح عنهما الأه

قمر الزمان

كم أعشق ضوء القمر

والنسيم الهادي الجميل

وضوئه الساطع المنتشر

في سماء الليل

يا له من شيء مثير

ويا له من جمال

أشعر وكأنني بجانبه أطير

في عالم الخيال

على البساط السحري

في أحسن الأجواء

ومع السندباد البحري

في جميع الأنحاء

وبنسى كل الكون

وبنسى كل الدنيا

بعشق القمر بجنون

عشق قيس لليلى

ما أجملك يا قمر الزمان

وما أشد حبي ليك

بنورك تسعد الإنس والجان

وتسعد النجوم حواليك

بدونك الحياة في خبر كان

وبدون جمال لياليك

يا قمر يا ساحرني

وبصوتي أشدو إليك

وبجمالك باهرني

سأظل طول عمري أوصف فيك

ازيكو

انا بسوم الجميله عامله المدونه دى لانى بحب الكتابه والادب وخاصة الشعر واتمنى من ربنا انها تعجبكم .... بسوم